ابيك تعرف آن لك صاحب بكل مافيه
يغليك .....
بكل ماعطاه ربي من أحاسيس
يحتويك .....
روحه حياته حتى جروحه
تفتديك....
لاتظن انه في يوم يقدر
ينتسيك .....
يبيك تذكره لاصارت الليالي
تجتفيك .....
وتدعيله:
" عسى الله له يخليك "
***************************
فديت وقتن حط في دربي رفيق
واحدن يضحك معي واضحك معه
واحدن لا صار وسط القلب ضيق
بالسوالف والمزايح وسعه
وان حكي بأسلوبه العذب الرقيق
يسرق من الجوف قلبن يسمعه
**************************
أنا صديقك لا قسى الوقت وأكفيك
ولأني من اللي وقت المصالح يجونك
أعزك يا صاحبي بكل مافيك
ومن كثر مااعزك صرت اعز اللي يعزونك
افتخر لاقا لوا إني مخاويك
يامنبع الطيب قلبك والصفا في عيونك
*****************************
قلبي أصيل وماضي الحب ماانساه
والصاحب الغالي تشيله عيوني
اشتاق له وأشفق لصوته وطرياه
وأقول هو دنياي وشموع كوني
رفيق دربي ماتناسيت ذكراه
لو العرب في رفقته يعذلوني
*************************
تعبت أدور بين الاجواد صاحب
وعندي مفاهيم الصداقة عظيمة
وادري الصديق بكل الأحوال ساحب
واحذر صديق السوء حكمة قديمة
أحب راعي الطيب والجود والواجب
ناس مثلك تحشم وتستحق الحشيمة
****************************
من نسى في زحمة الدنيا رفيقة
قلت له عندي رفيق مانساني
لو يطول الوقت ويطول طريقه
ادري انه لو يطول البعد جاني
بيني وبينه على العشرة وثيقة
إن بديته بالغلا وإلا بداني
صرت عنده بالغلا حسبت شقيقه
هو بعد غالي ومن حسبت إخواني
****************************
جالس في وسطهم
قاعد ولا أسمع حكيهم
لاتحسب إني عندهم
أنا معك بس جنبهم
متحمسين بحكيهم
ماغير أشوف عيونهم
وأتخيلك وسطهم
سألني واحد بينهم
وش رأيك بكلامهم
أحرجني والله قدامهم!!
قلت الـــعفو ياقلبهم
ناقص رفيع الشان بينهم
*****************************
اشتقت لك يا صاحبي وين ألاقيك؟
محتاج لك بالحيل ودي أشوفك..
اشتقت اسولف معك واسمع حكاويك
واللمه الحلوة وباقي مزوحك
ياصاحبي من كثر ما أطريك واغليك..
صرت أتحلم فيك واصحي وأشوفك!
****************************** ***
شخص إلا منه مضى لي معه
يوم
أندم على أيام مضت قبل
ما القاه
احتاج له لا صار في صدري
هموم
ولو ين****ر ساقي تسندني
يمناه
جعل المعزة بيننا دايم
الدوم
هذا الرفيق اللي من الصعب
تنساه
****************************
والله ماأنسى صاحب مانساني
لو طالت الغيبة وضاعت نواحيه
يبقى معي مابين قلبي وعيني
والنفس من بد المخاليق تغليه
وأنشد عن أحواله بعاصف سنيني
وأرتاح لازانت وطابت لياليه
الثلاثاء أكتوبر 27, 2009 9:05 am
